पुण्यात…राहू आनंदे!

सहजसोपे जगणे, उंचावलेले जीवनमान असे निकष लावून देशभरातील १११ शहरांची परीक्षा घेण्यात आली असता पुण्याने त्यात अव्वल क्रमांक पटकावला आहे. राज्यातील नवी मुंबई आणि बृहन्मुंबईचा अनुक्रमे दुसरा आणि तिसरा क्रमांक लागला असून ठाणे शहराने सहाव्या क्रमांकासह पहिल्या दहा शहरांत स्थान मिळविले आहे.

शहरांचे नियोजनबद्ध व्यवस्थापन आणि शाश्वत विकास यांच्या माध्यमातून लोकांच्या उंचावलेल्या जीवनमानाचे मूल्यमापन करणाऱ्या सुलभ जीवन निर्देशांकात पुणे शहराने देशात अव्वल क्रमांक पटकावला आहे. देशातील राहण्यास चांगल्या अशा १११ शहरांमध्ये पुण्यापाठोपाठ राज्यातील नवी मुंबई आणि बृहन्मुंबईचा अनुक्रमे दुसरा आणि तिसरा क्रमांक लागला असून ठाणे शहराने सहाव्या क्रमांकासह पहिल्या दहा शहरांत स्थान मिळविले आहे. देशाची राजधानी दिल्ली या क्रमवारीत ६५व्या क्रमांकावर फेकली गेली आहे. विशेष म्हणजे पहिल्या दहा शहरांच्या यादीत विधानसभा निवडणुका होऊ घातलेल्या मध्य प्रदेश आणि छत्तीसगढच्या राजधान्यांचाही समावेश आहे. केंद्रीय गृहनिर्माण आणि नगरविकास मंत्री हरदीपसिंग पुरी यांनी सुलभ जीवन निर्देशांकात अव्वल ठरलेल्या शहरांची घोषणा सोमवारी केली.

Be the first to comment

Leave a Reply

Your email address will not be published.


*