सोनाली बेंद्रेच्या आठवणीने विवेक ओेबेरॉय भावूक

छोट्या पडद्यावरील ‘इंडियाज् बेस्ट ड्रामेबाज’ या रिएलिटी शोमध्ये अभिनेता विवेक ओबेरॉय अभिनेत्री सोनाली बेंद्रेच्या आठवणीने भावूक झाला. या रिएलिटी शोच्या पहिल्या पर्वापासूनच विवेक ओबेरॉय आणि सोनाली बेंद्रे परीक्षक होते. या दरम्यान त्यांच्या चांगली मैत्री झाली.

कर्करोगाशी झुंज देत असलेली अभिनेत्री सोनाली बेंद्रेच्या चांगल्या आरोग्यासाठी तिच्या चाहत्यांसह कलाकारदेखील प्रार्थना करत आहेत. काही कलाकारांनी सोनालीची अमेरिकेत भेट घेत विचारपूसही केली. ‘इंडियाज् बेस्ट ड्रामेबाज’मध्ये एका स्पर्धकाने कर्करोगग्रस्त रुग्णाची भूमिका साकारत अभिनय सादर केला. यात कर्करोगाशी लढताना रुग्णाचा संघर्ष आणि या आजारातून तो कसा बरा होतो याचे स्किट सादर केले. यावेळी विवेक ओबेरॉयला रडू कोसळले. विवेक ओबेरॉय आणि सोनाली बेंद्रे या शोच्या पहिल्या पर्वापासून एकत्र काम करत आहेत. या दोघांमध्ये चांगली मैत्री झाली. सोनाली बेंद्रेवर न्यूयॉर्कमध्ये उपचार सुरू आहे. आपल्यावर सुरू असलेल्या उपचाराची प्रकृतीची माहिती सोनाली सोशल मीडियाच्या माध्यमातून देत असते.

Be the first to comment

Leave a Reply

Your email address will not be published.


*