मुंबई महानगरपालिकेच्या पार्श्वभूमीवर महायुती असूनही मुंबईतील कुलाबा परिसरात भाजप आणि एकनाथ शिंदे यांच्या शिवसेनेत थेट लढत पाहायला मिळणार आहे.
मुंबई: मुंबई महानगरपालिका निवडणुकीसाठी महायुतीत भाजप आणि एकनाथ शिंदे यांच्या शिवसेनेने जागावाटप केले असले, तरी कुलाबा परिसरात युतीचा अपवाद पाहायला मिळत आहे. वॉर्ड क्रमांक 225 मध्ये भाजप आणि शिंदे शिवसेना थेट एकमेकांविरोधात लढणार आहेत. युती असूनही स्थानिक पातळीवर उमेदवारीवर एकमत न झाल्याने ही लढत होत असून, तिला “मैत्रीपूर्ण लढत” असे संबोधले जात आहे. मुंबईतील ही एकमेव जागा आहे जिथे महायुतीतील दोन्ही पक्ष आमनेसामने आले आहेत.
या वॉर्डमध्ये भाजपकडून माजी नगरसेविका हर्षिता नार्वेकर यांना उमेदवारी देण्यात आली आहे. कुलाबा भागात त्यांची ओळख मजबूत असून त्यांनी यापूर्वीही नगरसेविका म्हणून काम केले आहे. विकासकामे, स्वच्छता आणि परिसराच्या सुशोभिकरणावर भर देत त्या प्रचार करत आहेत. मात्र भाजपने नार्वेकर कुटुंबातील तीन सदस्यांना उमेदवारी दिल्याने घराणेशाहीचा मुद्दा पुन्हा एकदा चर्चेत आला आहे आणि त्यामुळे स्थानिक राजकारण तापले आहे.
दुसरीकडे, एकनाथ शिंदे यांच्या शिवसेनेकडून माजी नगरसेविका सुजाता सानप रिंगणात उतरल्या आहेत. कुलाबा हा शिंदे सेनेचा बालेकिल्ला मानला जात असून पक्षाची संपूर्ण ताकद सानप यांच्या पाठीशी उभी आहे. रस्ते, पाणीपुरवठा, सुरक्षा आणि दैनंदिन नागरी समस्यांवर लक्ष केंद्रित करत त्या प्रचार करत आहेत. दोन्ही उमेदवार अनुभवी असल्याने नार्वेकर विरुद्ध सानप ही लढत अत्यंत चुरशीची ठरण्याची शक्यता असून, या निकालाकडे संपूर्ण मुंबईचे लक्ष लागले आहे.
हा वॉर्ड अतिशय महत्वाचा
कुलाबा हा दक्षिण मुंबईतील महत्त्वाचा भाग असून दोन्ही उमेदवार अनुभवी आणि स्थानिकांमध्ये ओळखीच्या आहेत. भाजपकडून नार्वेकर कुटुंबातील तीन सदस्यांना उमेदवारी मिळाल्याने घराणेशाहीचा मुद्दा चर्चेत आला आहे. त्यामुळे नार्वेकर विरुद्ध सानप हा सामना अत्यंत चुरशीचा ठरण्याची शक्यता असून,
