मुंबई महापालिकेसाठी राष्ट्रवादी काँग्रेसकडून उमेदवारांची तिसरी यादी जाहीर, एकूण 94 उमेदवार लढणार

मुंबई महापालिका निवडणुकीच्या पार्श्वभूमीवर अजित पवार यांच्या नेतृत्वाखालील राष्ट्रवादी काँग्रेस (NCP – अजित पवार गट) यांनी उमेदवारांची तिसरी यादी जाहीर केली आहे. या तिसऱ्या यादीत पक्षाने 30 उमेदवारांची नावे घोषित केली आहेत.

मुंबई: 30 डिसेंबर 2025 या उमेदवारी अर्जाच्या अंतिम तारखेला सर्व पक्षांनी अर्ज दाखल करण्याची चाळणी पूर्ण केली आहे. आजच्या दिवशी राष्ट्रवादी काँग्रेसकडून तिसरी यादी जाहीर करण्यात आली असून, यामुळे पक्षाचे एकूण 94 उमेदवार रिंगणात उतरले असल्याचे निश्चित झाले आहे.

या यादीत 30 उमेदवारांच्या नावांची घोषणा करण्यात आली आहे. राष्ट्रवादीनं पहिल्या यादीत 37 उमेदवारांच्या नावाची घोषणा केलेली. दुसऱ्या यादीत 27 तर तिसऱ्या यादीत 30 उमेदवारांच्या नावांची घोषणा केली आहे.

मुंबई महानगरपालिकेच्या सार्वत्रिक निवडणुकीसाठी राष्ट्रवादी काँग्रेसने आज 30 उमेदवारांची तिसरी आणि अंतिम यादी जाहीर केली आहे. राष्ट्रवादी काँग्रेसने मुंबईमध्ये एकूण 94 जागांवर उमेदवार उभे केले असून पूर्ण ताकदीने व क्षमतेने यावेळी राष्ट्रवादी काँग्रेस निवडणूक रिंगणात उतरणार आहे.

राष्ट्रवादी काँग्रेसची तिसरी यादी जाहीर

महायुतीमध्ये सत्तेत असूनही, मुंबई महापालिका निवडणुकीत राष्ट्रवादी (अजित पवार गट) यांनी आपली स्वतंत्र 94 उमेदवारांची यादी जाहीर करून, पक्ष स्वबळावर जास्तीत जास्त जागा लढवण्याच्या मानसुब्यात रिंगणात उतरला असल्याचे सिद्ध होत आहे.