राज्यातील महापालिका निवडणुकीची तयारी जोरात सुरू आहे. अर्ज दाखल करण्याची शेवटची तारीख उद्याच आहे. अशातच पक्षांतरे, राजीनामे आणि नाराजीचे वातावरण वाढले आहे. निवडणुकीसाठी पक्षांनी तिकीट वाटप करताना निष्ठावंत कार्यकर्त्यांचा तिकीट ऐनवेळेस न कापल्याने अनेक ठिकाणी बंड उभे राहिले आहेत.
सोलापूर: सोलापुरात शिवसेना ठाकरे गटाला मोठा धक्का बसला आहे. जिल्हाप्रमुख अजय दासरी यांच्या विरोधात १०० हून अधिक पदाधिकाऱ्यांनी आपले राजीनामे दिले आहेत. यामध्ये शहरप्रमुख महेश धाराशिवकर, उपजिल्हा प्रमुख प्रताप चव्हाण यांच्यासह अनेक शिवसैनिकांचा समावेश आहे.
राजीनामा देणाऱ्यांनी “जिल्हाप्रमुख अजय दासरी हटाव, शिवसेना बचाव” असा नारा दिला आहे. बंडकाऱ्यांचा आरोप आहे की, अजय दासरी यांनी पक्षातील तिकीट विक्रीसाठी दिले आहेत आणि मनमानी कारभार केला आहे. त्यांच्यामते, कट्टर शिवसैनिक असूनही, काही उच्चपदस्थांना तिकीट देऊन निष्ठावंत कार्यकर्त्यांना डावलले गेले आहे.
शिवसैनिकांनी स्पष्ट केले की, जोपर्यंत अजय दासरी यांना हटवले जात नाही, तोपर्यंत ते आपल्या पदांवर काम करणार नाहीत. ही घटना ठाकरे गटासाठी मोठा धक्का मानली जात आहे आणि आगामी महापालिका निवडणुकीत पक्षाच्या संघटनात्मक एकतेवर प्रश्नचिन्ह निर्माण झाले आहे.
